حيدرآباد ۾ پبلڪ سروس ڪميشن پاران ٽي اي او ۽ ٻين تقريرن ۾ ڀرتي لاءِ ڏنل اشتهار خلاف احتجاج
حيدرآباد (رپورٽر) تازو سنڌ پبلڪ سروس ڪميشن ۾ تعلقه ايجوڪيشن آفيسر، اسٽنٽ ايجوڪيشن آفيسر ۽ سبجيڪٽ اسپيشلسٽ لاءِ آيل اشتهار خلاف نوجوان جي وڏي تعداد حيدرآباد پريس ڪلب ٻاھران احتجاجي مظاهرو ڪندي تعليم کاتي ۾ ڀرتين واري ٻٽي پاليسي ۽ مئنيجمينٽ ڪيڊر خلاف سخت نعريبازي ڪندي احتجاج رڪارڊ ڪرايو.نوجونن جو چوڻ ھو تازو سنڌ پبلڪ سروس ڪميشن ۾ اسڪول ايجوڪيشن ڊپارٽمينٽ ۾ تعلقه ايجوڪيشن آفيسر جي 194، اسسٽنٽ ايجوڪيشن آفيسر جي 128 ۽ سبجيڪٽ اسپيشلسٽ لاءِ 1148 جاين لاءِ اشتهار شايع ڪيو ويو آهي.جنھن منجه تاريخ۾پهريون ڀيرو تعلقه ايجوڪيشن آفيسر۽ اسسٽنٽ ايجوڪيشن آفيسر لاءِ گھربل قابليت ۾ غير معروف۽ مخصوص ڊگريون ڄاڻائي ايجوڪيشن سان لاڳاپيل پروفيشنل ڊگريون جھڙوڪ بي ايڊ ۽ ھڪ سال ايم ايڊ جي شرط کي خارج ڪيو ويو آهي.جڏھن ته سبجيڪٽ اسپيشلسٽ لاءِ ايم ايڊ 2 سال جو شرط نھايت ئي غير ضروري آهي ان موقعي احتجاج ڪندڙ جو وڌيڪ چوڻ هو تہتعليم کاتي ۾ ڀرتين وارين پاليسي ۽ مئنيجمينٽ ڪيڊر کي رد ڪريون ٿا، هنن چيو تہ اشتهار ۾ غير معروف ۽ مخصوص ڊگريون جو شرط ڄاڻائي عام پڙھيل لکيل نوجوانن جي رستا روڪ ڪئي وئي آهي.
Comments
Post a Comment